Хоспис оказывает помощь более чем 500 семьям
Сбор на 2022 год 1 300 000 руб.

Как помочь

Фэст «Розныя разам» сабраў нашы падапечныя сем'і і іх сяброў

Весела, радасна, з жартамі, гульнямі, песнямі і пачастункамі - менавіта так прайшоў 19 сакавіка наш Фэст «Розныя разам». У сядзібе-экамузеi «Свет пчол» (Мінская вобласць, Валожынскі раён) на Фэсце сабраліся дзеці з інваліднасцю, неданошаныя дзецi, іх сем'і і сябры.  

Гасцей чакала цікавая праграма: усе жадаючыя маглі размаляваць гліняную пчолку і забраць яе сабе дадому на памяць, вясёлая праграма «Гуканне вясны», экскурсія па сядзібе, пасля якой гаспадар сядзібы, пчаляр, расказаў усё пра мёд і пчол. Спадабаліся гасцям і выступленні музычнага калектыва. Акрамя таго, на мерапрыемстве бацькі цяжкахворых дзяцей змаглi атрымаць прафесійныя кансультацыі юрыста хоспiса, а таксама праверыць свае веды ў сферы абароны правоў дзяцей з інваліднасцю. У канцы мерапрыемства госці пачаставаліся гарбатай з блінамі з тварагом, мясам, мёдам. Для ўсіх удзельнікаў мы прыгатавалі цудоўныя падарункі: тэматычныя размалёўкі, налепкі, кружкі, сумкі, а таксама духмяную гарбату і мёд.

Арганізатарамі Фэста выступiлi Беларускі дзіцячы хоспіс i Рэспубліканскае грамадскае аб'яднанне бацькоў неданошаных дзяцей «Рана».

Мерапрыемства прайшло ў межах праекта міжнароднай тэхнічнай дапамогі «Выбудоўванне эфектыўных механізмаў абароны для паляпшэння становішча дзяцей з цяжкімі формамі інваліднасці і захворваннямі, якія абмяжоўваюць працягласць жыцця», які рэалізуецца пры фінансавай падтрымцы Еўрапейскага саюза i каардынуееца дабрачыннай арганізацыяй «HealthProm» (Вялікабрытанія). Фінансавую падтрымку Фэсту аказала Пасольства Вялікабрытаніі ў Беларусі.

Сябар хоспіса - фатограф Артур, адлюстраваў самыя цікавыя і яркія моманты Фэста. Убачыць фатаграфіі можна ў фотаальбоме ў нашай групе ва Вконтакте.

Прыемнага прагляду!

Для інфармацыі:

У гэты ж дзень у Гомелі ў гандлёвым цэнтры «Крышталь» таксама прайшлі мерапрыемствы ў межах нашага Фэста, якія арганізаваў наш iнфармацыйны партнёр – сацыяльна-дабрачынная ўстанова «Цэнтр садзейнічання нармалізацыі жыцця сацыяльна ўразлівых груп насельніцтва «Ёсць справа». А 26 сакавіка партнёр нашага праекту, Магілёўскае абласное аддзяленне Рэспубліканскага грамадскага аб'яднання «Беларускі дзіцячы фонд», падтрымае наш Фэст і правядзе мерапрыемства для дзецей з інваліднасцю, іх сем'яў і сяброў у экатуркомплексе «Мікалаеўскія сажалкі» (Магілёўская вобласць, Круглянскі раён, вёска Лыскоўшчына).

2.jpg

24.jpg

25.jpg

4.jpg

6.jpg

14.jpg

21.jpg

22.jpg




Новости